PNA – هاوكات لهگهڵ سهردانی شاندێكی باڵای حكومهتی عێراق بۆ ئێران به مهبهستی رازیكردنی تاران بۆ ئهوهی هاوكاری حكومهتی عێراق بكات و هاوكاری میلیشیا چهكدارییهكان نهكات، گوتهبێژی فهرمی رهوتی سهدر ئاشكرایكرد كه ئێران چهك دهفرۆشێته ههر لایهنێك ئهگهر بیهوێت چهكی لێبكرِێت.
له لێدوانێكیی تایبهتیدا بۆ رۆژنامهی "شهرقولئهوسهت" گوتهبێژی فهرمی رهوتی سهدر "سهلاح عوبهیدی" رایگهیاند، ئێمه چهكمان له ئێران كرِیوه ، بهڵام ئهمه بهو مانایه نیه كه ئێمه پهیوهندیمان به كۆماری ئیسلامی ئێرانهوه ههبێت.
گوتیشی: ئێران هاوسنووری عێراقهو ههر لایهنێك بیهوێت چهكی لێبكرِێت ئهوا تاران ئامادهیه چهكی پێ بفرۆشێت.
له لایهن خۆیهوه باڵیۆزی كۆماری ئیسلامی ئێران له بهغدا "حهسهن كازمی قومی" رایگهیاند، كۆماری ئیسلامی ئێران خوازیاره رهوشی ئاسایشی عێراق ئارام بێتهوهو پشتیوانی ههوڵهكانی حكومهتی عێراق دهكات له رووبهرِووبوونهوهی چهكداره یاخیی بووهكان.
جێگهی ئاماژهیه دوێنی حكومهتی عێراق شاندێكی باڵای رهوانهی كۆماری ئیسلامی ئێران كرد بۆ ئهوهی دهسهڵاتدارانی ئهو وڵاته رازی بكهن چیدیكه هاوكاری گروپ و میلیشیا چهكدارییهكانی عێراق نهكات.
+ نوشته شده توسط آلا در جمعه سیزدهم اردیبهشت 1387 و ساعت
11:32 قبل از ظهر |
ئیسماعیل تاهیر/ دهۆك – خورتهكێ كورد و خورتهكێ بهریتانی چیروكا "كاوهیێ ئاسنگهر" وهكه بهرههمهكێ فلمێ كارتونی بهرههم تینن.
خورتهكێ باژێرێ دهۆكێ ب ناڤێ هاڤی ئیبراهیم، پشتی ل كورسهكێ بێ كاران ههڤنیاسینێ ل وهلاتێ بهریتانیا كهسهكێ بههرهمهندێ بریتانی بناڤێ ستورت پالمهر دكهت و پشتی ئێك ودوو ناس دكهن دبینن كو ئارهزوویێن وان وهكههڤن و خهونا وان ئهوه ب شێوهیهكی ژ شێوهیان تشتهكی ژ كهلتورێ كوردی بۆ جیهانێ بدهنه نیاسین.
هاڤی ئیبراهیم و ههڤالێ وی یێ بهریتانی ستورت پالمهر پشتی تێكهلیێ بریارێ ددهن د گهل ههڤكاربن و چیرۆكا "كاوهیێ ئاسنگهر" كو داستانهكا كوردی یا ناڤداره و پشكهكا گرنگه ژ كهلتورێ كوردی بكهنه فلمهكێ كارتونی و ل سهر سیستهمێ ((CGI كو سیستهمهكێ پێشكهڤتی یه و وێنه ب دووراتی یێن سی یێ دهێته دیتن.
هاڤی ئیبراهیم ل دور پرۆژێ خوه ئاماژه دا "بۆ ڤێ هزرێ مه پهیوهندی ب سهنتهرێ (Goodwin Development Trust) كر و وان ب ئهرێنی هزرا مه وهرگرت و پشتهڤانیا دراڤی بۆ پرۆژهیێ مه دیاركر و دناڤ سهنتهری دا ئهم حهواندین و پشتی چیرۆك ب زمانێ كوردی هاتیه بهرههڤكرن مه پهیوهندی ب نڤیسهرو رۆژنامهڤان بلند محهمهد كر ژ بۆ پێداچون و دوباره دارشتنا چیرۆكێ و وی ژی ب خهمخوری ئهڤ كاره ئهنجامدا، نوكه ژی كار یێ د قوناغێن دووماهیێ دا و دشیاندایه پشكهكا مهزن ژێ بهێته نیشادان".
ل دور چاوانیا بهلاڤكرنا فلمی ژی هاڤی دبێژیت "دهمێ فیلمی (55) خولهكن و مه ل بهره ل ههمی دهڤهرێن كوردنشین ل ئهروپا و ئهمریكا و كوردستانا مهزن بهلاڤبكهین و ب ههردوو زمانێن ئینگلیزی و كوردی دێ هێته بهلاڤكرن، مه پهیوهندی ب گهلهك كوردێن ئهوروپا كر یێن دهست د بیاڤێ هونهری دا ههی و خودان بسپور دبیاڤێ چێكرنا فلمان دا ههروسا بۆ دانهیا ئینگلیزی ژی هنهك كهسێن دڤی بیاڤی دا كار كری ل گازیا مه هاتن و دهنگێ مه تومار كرن، بزاڤێن مه دبهردهوامن ژ بۆ دیتنا كومپانیایهكێ كو فیلمی بكریت و بهلاڤبكهت و مه دڤێت ل كوردستانێ بیت".
بۆ پتر پێزانین و نیاسینا وان ئهكتهران یێن دڤی فیلمی دا كار كرین دشیاندایه سهرهدانا ڤی سایتی بهێته كرن كو تایبهته ب چێكرنا فیلمێ كارتونی یێ كاوهیێ ئاسنگهر.
www.splash-animations.com
ههژی گۆتنێ یه كو هاڤی ئیبراهیم دهرچویێ پهیمانگهها هونهرێن جوانه ل دهوكێ پشكا شێوهكاریا پهیكهری وپشكداری ددانان و چێكرنا هن پهیكهران دا كریه وهكو پهیكهرێ دای شرین ل دهوكێ و نهو ژی قوتابی یه ل زانینگهها لینكولن یا هونهرێن جوان ل بهریتانیا.
+ نوشته شده توسط آلا در جمعه سیزدهم اردیبهشت 1387 و ساعت
11:25 قبل از ظهر |
